平成 (已結業)

今日去到尖沙咀棉登径, 呢度成条街大部分都系日本料理。朋友带路去咗 平成, 餐厅装修日式居酒屋风格, 门口放置一辆电单车装饰, 好有vintage感觉!内里坐位不多, 主打高级日式料理。系餐厅Like 佢fb专页, show畀店长睇就会有晚市优惠。松叶蟹盖松叶蟹蟹 蟹膏丰盈, 蟹味浓郁醇厚, 加上原只鸡蛋覆盖蒸焗, 保持蟹膏天然原汁原味, 蒸蛋嫩滑软熟, 散发阵阵蟹膏咸香！三重芝士葱蛋饼三重芝士加入了鸡蛋, 质感嫩滑软熟, 散发淡淡蛋香, 洒上青葱突显芝士味香浓！华味鸟烧鸡肉脆骨棒外层火炙, 焦香扑鼻, 鸡肉嫩滑有肉汁, 混合了鸡脆骨, 爽脆有嚼口！三文鱼子紫菜胡麻酱冷面三文鱼子 晶莹剔透, 鲜甜带海水味, 冷面圆浑粗身, 烟韧软熟有嚼口, 加上新鲜生鸡蛋捞面, 倍感柔滑顺口！巨峰提子、荔枝乳酸梳打颜色梦幻吸引, 乳酸果味香甜, 酸酸甜甜帮助消化, 清凉解渴！