影片
更多
2015-07-16
298 浏览
今晚无咩胃口，食几个点心当晚饭。叫个点心餐送碟炒菜，再散叫两个点心加个炖汤，饱饱。似乎无咩胃口都好大食呢，哈哈。蒜香鲜虾长春卷，师傅仔话即炸会香脆好多等唔等？梗系等啦！5 分钟唔洗就新鲜出炉，好热呀！点少少喼汁降降温，咬落脆卜卜索索声，好过瘾。特浓香蒜味道，从未食过咁浓既蒜味，而且夹杂著爽口虾肉，当然好味啦！鹌鹑蛋烧卖，卖相一流无投诉，索一索香喷喷。一定要成粒啪入口啦，咁先原油原味，一滴不漏尽收肚底！香浓猪肉球结实弹牙又 juicy，撞上甘甜鹌鹑蛋，佢地既化学作用无与伦比，连啪几粒唔洗客气。淮山杞子螺头炖鸡汤，开呀！个盅热到辣手！劲香鸡汤同螺头味交杂！睇落以为好细碗，但倒出黎都有两碗汤水㖞。汤汁香浓清彻，最爱淮山杞子既天然甜味，撞埋海味同鸡肉味，坚正！份量好够又足料，连汤渣都食晒，螺头弹牙味浓、鸡脚嫩滑，good！高汤鲜竹卷，酒楼食亲都系蚝汁鲜竹卷，终于有款新口味！香喷喷，腐皮滑嘟嘟，馅料包得满满，有肉有菇有甘笋有木耳，非常清甜爽口，浓郁高汤灌满鲜竹卷，味道无得输！好好食，必试。豉椒蒸排骨，居然系 food court 可以食到高质排骨，比起酒楼肥腾腾既排骨好百倍！肉多骨少无肥膏，啖啖
今晚无咩胃口，食几个点心当晚饭。叫个点心餐送碟炒菜，再散叫两个点心加个炖汤，饱饱。似乎无咩胃口都好大食呢，哈哈。
蒜香鲜虾长春卷，师傅仔话即炸会香脆好多等唔等？梗系等啦！5 分钟唔洗就新鲜出炉，好热呀！点少少喼汁降降温，咬落脆卜卜索索声，好过瘾。特浓香蒜味道，从未食过咁浓既蒜味，而且夹杂著爽口虾肉，当然好味啦！
鹌鹑蛋烧卖，卖相一流无投诉，索一索香喷喷。一定要成粒啪入口啦，咁先原油原味，一滴不漏尽收肚底！香浓猪肉球结实弹牙又 juicy，撞上甘甜鹌鹑蛋，佢地既化学作用无与伦比，连啪几粒唔洗客气。
淮山杞子螺头炖鸡汤，开呀！个盅热到辣手！劲香鸡汤同螺头味交杂！睇落以为好细碗，但倒出黎都有两碗汤水㖞。汤汁香浓清彻，最爱淮山杞子既天然甜味，撞埋海味同鸡肉味，坚正！份量好够又足料，连汤渣都食晒，螺头弹牙味浓、鸡脚嫩滑，good！
高汤鲜竹卷，酒楼食亲都系蚝汁鲜竹卷，终于有款新口味！香喷喷，腐皮滑嘟嘟，馅料包得满满，有肉有菇有甘笋有木耳，非常清甜爽口，浓郁高汤灌满鲜竹卷，味道无得输！好好食，必试。
豉椒蒸排骨，居然系 food court 可以食到高质排骨，比起酒楼肥腾腾既排骨好百倍！肉多骨少无肥膏，啖啖肉好满足，肉质香甜弹牙带肉汁，腌得入味而不失猪肉香，正！加埋豉椒劲香口惹味！
蒜蓉炒白菜仔，居然系送炒菜唔系烚菜，感动呀！最爱食炒菜，但今日只有白菜仔呢，而且只有蒜蓉或清炒。即炒无敌镬气！收干水份，菜既清甜味道特别浓厚，加上香口炸蒜真系要大注大注塞满整个口，非常满足！经过大量肉类洗礼既味蕾，最后黎个菜蔬，完满地结束！
张贴
