影片
更多
2023-04-06
796 浏览
好耐冇食拉面， 突然之间好想食， 我知道新都城有间拉面舖， 师姐住喺将军澳， 于是捉埋师姐一齐去食。 中午过咗繁忙时间， 唔系好多人， 餐厅铺位好长， 座位宽敞， 感觉舒服。 呢度有几款拉面 ，贵精不贵多， 我同师姐每人拣一个拉面套餐，🍜 师姐拣呢度嘅头牌鸣虎🐯拉面，加芝士鱼🐠饼 。🍥🍥我就拣咗绿虎🐯拉面， 因为我钟意多啲绿色嘅葱， 小食我就拣咗煎饺，🥟🥟 套餐仲包埋饮品 ，我哋不约而同拣咗花茶 ，茉莉花同玫瑰花， 女人都系钟意花。⚘️💐🌻 叫晒嘢食， 环顾四周， 座位非常之干净企理， 员工又系斯文有礼， 喺度食嘢个感觉好舒服。 小食同埋拉面好快就送到， 两碗面都好大碗好充实， 最开心嘅就系一大堆白色嘅大葱， 喺大葱下面收埋两块厚厚嘅日式叉烧， 瘦肉多肥肉少， 煮得好林 ，煎得香香地， 味道一流。 食完叉烧， 就轮到个流心蛋 ，一咬开蛋黄唧晒出嚟 ，又香又滑， 鸡🐔蛋嘅甘香鲜美表露无遗 ，其他地方食拉面， 好多时得半只溏心蛋， 喺呢度就有一大个， 超正。 有肉有蛋 ，就需要一啲素菜来平衡下， 跟住就系有好多嘅黑木耳， 砌到好幼一条条好均匀，煮得爽脆， 索晒啲猪骨黑蒜油汤 ，食到索索声，
5 浏览
0 赞好
0 留言
中午过咗繁忙时间， 唔系好多人， 餐厅铺位好长， 座位宽敞， 感觉舒服。
呢度有几款拉面 ，贵精不贵多， 我同师姐每人拣一个拉面套餐，🍜 师姐拣呢度嘅头牌鸣虎🐯拉面，加芝士鱼🐠饼 。🍥🍥
我就拣咗绿虎🐯拉面， 因为我钟意多啲绿色嘅葱， 小食我就拣咗煎饺，🥟🥟
套餐仲包埋饮品 ，我哋不约而同拣咗花茶 ，茉莉花同玫瑰花， 女人都系钟意花。⚘️💐🌻
叫晒嘢食， 环顾四周， 座位非常之干净企理， 员工又系斯文有礼， 喺度食嘢个感觉好舒服。
小食同埋拉面好快就送到， 两碗面都好大碗好充实， 最开心嘅就系一大堆白色嘅大葱， 喺大葱下面收埋两块厚厚嘅日式叉烧， 瘦肉多肥肉少， 煮得好林 ，煎得香香地， 味道一流。
食完叉烧， 就轮到个流心蛋 ，一咬开蛋黄唧晒出嚟 ，又香又滑， 鸡🐔蛋嘅甘香鲜美表露无遗 ，其他地方食拉面， 好多时得半只溏心蛋， 喺呢度就有一大个， 超正。
有肉有蛋 ，就需要一啲素菜来平衡下， 跟住就系有好多嘅黑木耳， 砌到好幼一条条好均匀，煮得爽脆， 索晒啲猪骨黑蒜油汤 ，食到索索声，滋味无限。
最后食到主题， 我拣咗硬度适中嘅拉面， 依依韧韧， 面香四溢 ，系拉面中嘅翘楚， 啲拉面浸喺啲猪骨汤， 沟埋啲大葱，浓烈嘅蒜香味 ，将拉面嘅味道提升至云端级别， 食到停唔到口。
两个小食都唔错 ，芝士鱼饼外爽内软， 饺子就煎到脆卜卜，入面啲肉仲有啲肉汁 ，两款都系不错的小食 。食完晒所有嘢，跟住叹番杯花茶，消磨咗一个舒舒服服嘅下午。
张贴
