Crispy Bistro (已結業)

繁忙嘅都市人都系想喺急速嘅环境下，有一个喘息嘅空间。喺西环第二街，我发现左呢一间具有森林城市风格嘅咖啡小店。一入到你所有嘅枱枱櫈櫈都系用木去打造，设计别树一格。出边仲有个小露台可以比要呼吸嘅朋友使用。我哋叫咗牛油果炒蛋配面包，呢款面包比较软身，加上佢俾咗少少沙律菜我哋，同埋黑醋可以点，口味更加出众。两块面包好大块，上面用料充足，炒蛋好多蛋汁，配上好多块牛油果，佢拣嘅牛油果都唔差，好有田园风味。另外食咗奇异果开心果雪糕Waffle，好开心呀，冇谂过佢可以将两款食材运用得咁天衣无缝。因为开心果雪糕都系绿色再加上奇异果切成一粒粒，两只绿色互相辉映，非常吸引，加少许忌廉系窝夫中间，再加上Nutella朱古力酱，口味好甜滑，香浓无比。最后店员建议我同朋友两个女仔一齐试吓花果茶，女仔最钟意饮住香喷喷嘅花果茶，高谈阔论到天光！里面有士多啤梨苹果橙，切成一粒粒，酸酸甜甜，打开茶壶时，味道非常刺鼻，心想水果应煮了很久，而且用料很多，但建议下次来的朋友，可以加多一点蜜糖和冰，口感会更凉透心。整体来说，咖啡小店好有格调，会再来光顾。