Deer Kitchen (The Wave) (已結業)

星期五当然要同女友出街食晚饭庆祝周末既来临😎，今次拣左观塘嘅Deer Kitchen，一入门口就见到抢眼既雀笼卡位，环境主要以绿色为主。我地叫左一个set dinner同意粉，set dinner系焗威灵顿三文鱼，另外仲有前菜、餐汤同饮品。- 黑松露意大利云吞云吞馅既磨菇味好香，黑松露酱几浓郁，加上云吞上面既碎条，口感丰富👍🏻。不过略嫌云吞皮有啲厚。- 焗威灵顿三文鱼酥皮金黄香脆，三文鱼肉质嫩滑，外层有菠菜，菠菜够干身唔会令威灵顿三文鱼变得太湿润，仲有配材包括紫薯蓉同蕃茄，紫薯蓉份量好多。- 香浓芝士烟肉烟斗粉烟斗粉外型超似通心粉，不过大粒好多。口感烟韧，上面铺满烟肉碎同芝士碎，整体味道creamy惹味。- New York Sour New York Sour系餐厅signature cocktail之一，主要以whisky为主。饮品分左三层，打卡一流。味道方面，味道酸酸地几开胃，饮完成个人好清爽。- 接骨木花柠檬梳打个人认为比较细杯，不过味道唔错，可以解腻。总括而言，Deer Kitchen嘅威灵顿三文鱼一定要试，佢地set dinner唔算太贵，价钱大约$218-318。