Romanne Leisure Food Concept (已結業)

餐厅装潢以简约森林风为主，墙身既森林图案、植物、竹木枱凳都令人觉得好舒服！🍴紫菜炸薯条配黑松露沙律酱 hkd68薯条炸得香脆，紫菜味虽然唔系好出但唔点酱都食得出既，个黑松露沙律酱真系好出色， 好浓黑松露味，令人忍唔住系咁食！🍴墨西哥芝士鸡肉夹饼 hkd88夹饼微脆，内有鸡肉、蘑菇及微溶芝士，再搽上莎莎酱，超夹，而且有8件好多，但如果多d芝士就仲正！🍴美国特选牛柳配煎鹅肝 hkd268今晚咁岩冇哂牛柳所以转左肉眼扒，我地叫左5成熟，切开见到鲜嫩既粉红色，完全唔会韧，好juicy肉味又浓！鹅肝都好大块，鹅肝配埋肉眼扒一齐食令到牛味更出，好好食！而配菜亦出色，有薯仔、南瓜、菇、茄子同瓜，每样都烤得入味。🍴Lime soda hkd58野饮同餐厅既装潢好夹😂青柠味好清新，好解腻。