影片
更多
2018-01-19
1172 浏览
对「大食代」唔抗拒，亦无偏好，但以美食广场嚟讲，小弟就觉得佢哋做得唔错，作为新加坡过江龙，晌香港屹立咁多年，佢都算喺做出成绩啦。今晚，同老婆，陪埋佢姨甥仔过嚟「大食代」食晚饭，纯粹贪佢地方大位多，各有各选择唔怕无嘢唔啱食。虽然喺美食广场，「大食代」都算得喺一个品牌，环境装修都下过功夫，座位嘅编排未算用到尽，所以，感觉都唔会话好逼好夹。「将之汤」日式蛋包饭姨甥仔拣咗客鳗鱼牛肉蛋包饭，睇起嚟卖相几唔错，个蛋都好似几滑，其实，就无包住啲饭，只喺冚上面而已；不过，鳗鱼同牛肉就几多，味道方面佢话几好食，啲蛋挺滑，牛肉够嫩，鳗鱼几浓（我估佢意思喺啲汁），小弟无试，只可以讲句信佢好味啦！「千味家」三𩠌饭老婆就揾咗档食三𩠌饭，贪佢自主啲，想食乜就拣乜，所以，佢就拣两款菜配炸鱼，唔食红肉。卖相就欠奉架喇，似喺街坊食堂嘅饭𩠌出品，但碟头大，真喺𩠌多过饭。又喺讲吓味道，试咗少少，算喺唔错，炸鱼香口唔油腻，鱼香茄子够惹味，当然芡汁少番啲更佳。「Pepper Lunch Express」黑椒饭Pepper Lunch出名喺佢啲铁板黑椒饭，以铁板呈上，诱发出黑椒香气。埋到柜枱睇睇，都有唔少款式，有原创黑椒饭及至尊
虽然喺美食广场，「大食代」都算得喺一个品牌，环境装修都下过功夫，座位嘅编排未算用到尽，所以，感觉都唔会话好逼好夹。
「将之汤」日式蛋包饭姨甥仔拣咗客鳗鱼牛肉蛋包饭，睇起嚟卖相几唔错，个蛋都好似几滑，其实，就无包住啲饭，只喺冚上面而已；不过，鳗鱼同牛肉就几多，味道方面佢话几好食，啲蛋挺滑，牛肉够嫩，鳗鱼几浓（我估佢意思喺啲汁），小弟无试，只可以讲句信佢好味啦！
「千味家」三𩠌饭老婆就揾咗档食三𩠌饭，贪佢自主啲，想食乜就拣乜，所以，佢就拣两款菜配炸鱼，唔食红肉。卖相就欠奉架喇，似喺街坊食堂嘅饭𩠌出品，但碟头大，真喺𩠌多过饭。又喺讲吓味道，试咗少少，算喺唔错，炸鱼香口唔油腻，鱼香茄子够惹味，当然芡汁少番啲更佳。
「Pepper Lunch Express」黑椒饭Pepper Lunch出名喺佢啲铁板黑椒饭，以铁板呈上，诱发出黑椒香气。埋到柜枱睇睇，都有唔少款式，有原创黑椒饭及至尊扒餐，定价都喺$48-$60，唯独一款肉眼扒卖到$97，此外，亦有啲配料可额外加配。
小弟心多又想试新产品，就拣咗「三拼黑椒饭」（牛肉、三文鱼、鸡肉）$55，不过，啲𩠌料感觉偏少，跟张相真喺天渊之别。牛肉唔错，嫩得嚟有少少焦香，三文鱼口感比较干，鸡肉食落无乜味，最好食其实喺啲饭，捞匀啲粟米粒同葱花，又有饭焦。
嚟「大食代」都唔喺为食咩好嘢，只喺比去快餐店有多啲唔同选择，今晚我哋都喺纯粹填饱肚而已。
张贴
