順濠坊 (已結業)

女友一向钟意川菜，所以今日带佢去左位于佐敦既顺濠坊。餐厅入面位子超阔，我同女友好似坐平时餐厅四人位咁。不得不说顺濠坊既餐牌设计非常别出心裁，红黑红红黑，就系咁简单。餐厅仲有火锅，材料选择非常多，不过我地今日系冲住川菜而嚟！餐厅有我钟意既黒啤Murphy’s，非常难得。可惜今晚要温书。一坐底职员提供左花生，可以医一医肚先。食物好快送上，首先系椒盐九肚鱼，表皮非常薄同炸得香酥，里面既鱼肉仍然保持嫩滑，营造出外酥内嫩既口感。之后上菜既系酸菜嫩滑桂花鱼锅，鱼既份量超多，配料亦有冬菇，金菇，酸菜、萝卜等等。我地叫左小辣，食物都有足够辣度。最后叫左清炒莴荀，脆嫩之外，比之前食过既蔬菜更加鲜甜。食啲比较热气既食物同时当然要饮下清凉饮品，我地叫左甘庶水同忌廉。今次又发现到一间出色既川菜餐厅，椒盐九肚鱼变成我既favourite。