鬼滷 (已結業)

今晚去了铜锣湾鬼卤，个名又几特别，西式嘅装修，中式嘅菜式，都几配合餐厅名字，而首先送上有焦糖爆谷，非常脆口，但又不会太甜😊豉椒蚬真系好大碟，超多份量，豉椒够晒入味，新鲜热辣辣真系好好食😋椒盐普宁豆腐，外层又脆又薄，内层软绵绵，超级滑，口感非常好食，难怪见到好多人叫，真系我食过最好食嘅炸豆腐之一。潮式卤水拼盘，选了三款，好香嘅八角味道配上卤水鹅肉啖啖肉、慢煮盐香鸡够嫩、猪腩肉肥猪肉部份食落去口感唔会觉得油腻，下面有炉一边热一边食。蚬仔肉生菜包，生菜包住蚬肉，再配上脆米粉，另有一番风味。