杜記茶餐廳

营业中

休息中

又系一间旧区小店，卖点系椒盐猪排饭同咸鱼肉饼饭小店定期会送素菜俾有需要嘅人食，值得欣赏。一黎会送例汤，饮落唔会太浓味，冇落味精，清清地。奶茶有水准，始终得老式茶餐厅先整到个只味。肉饼饭，有落到咸鱼，有一种咸香味，食开清淡嘅朋友可能会觉得油左少少。自己衡量啦。椒盐猪排饭，系比较湿身个种，食落唔会觉得好热气。份量充味道浓，唔会得个咸同辣。如果叫埋炒底就会变肥仔。价钱方面，唔记得左，应该系一个餐四十几蚊。四十几蚊有饭有汤有野饮，仲要好食，足够啦。如果系要揾野黎讲就系油左少少，不过你叫得呢味送就预左。佢仲有个腐乳猪排饭，今次冇试，下次经过会再试下。