茶餐廳2.0 (已結業)

呢间餐厅个位置都好方便，坐巴士落车，大概行3分钟就会到，地点亦都系大埔超级城，非常方便。特别想提一提嘅系，从来都冇谂过，喺茶餐厅竟然可以食到椒盐鲍鱼。我哋夜晚嚟食饭，叫咗两款𩠌。第一个系呢度嘅慢煮咖喱牛腩，咖喱汁唔太辣，但就有几香嘅甜味，捞落饭食，唔算太大碗，所以亦都唔会太饱。牛腩来讲，佢呢度嘅牛腩会偏瘦，对于比较钟意瘦身嘅朋友来讲，可能会较适合。另外就系呢度嘅椒盐鲍鱼， $118一个晚餐，有六旧鲍鱼，算系几惊喜。鲍鱼每一旧都连埋鲍鱼壳，食落去嘅时候，肉质好好食，一啲都唔轫，外层风沙炸粉，完全将鲍鱼嘅香发挥出来。呢个餐仲有汤可以饮，我叫咗个系杂菜汤。食完时，亦都可以加$15食佢嘅芝士蛋糕，芝士蛋糕芝士味都比较浓，算系唔错。