星記海鮮飯店 (一號廣場)

营业中

休息中

几位朋友相约午饭拣咗星记。朋友力推之前试过嘅椒盐鲜鱿，我就拣咗驰名嘅生炒骨同藕饼，最后点个清清地嘅蒸水蛋捞饭。等𩠌期间上咗个例汤红萝卜猪骨汤，无乜味精味合格。鱿鱼新鲜炸起，全部鱼身无鱿鱼须，配喼汁脆中带稔有惊喜。生炒骨酸甜味道平衡，排骨唔会好肥食到一口炸粉咁，水准保持得好好。藕饼反而有少少跌watt，以前莲藕比例多d咬落去脆脆地沙沙声，今次鱼肉比例多咗无乜𡁻头太稔。而且鲮鱼肉味道有d重会觉得腥腥地，但钟意食鲮鱼肉嘅朋友就话正。水蛋刚刚好，有蛋味，配料肉碎又唔会好咸。最后仲送雪耳桃胶糖水，好滋润~!