盛寅慢煮製麵 (已結業)

呢间系之前一直想试试，今日早啲收工，过嚟试吓。喺地铁站行大概5至10分钟左右就到，系宜安街市下面，好近牛头角地铁站。睇餐牌价钱都好平，大概40几蚊左右就食到慢煮鸡。今日同朋友一人嗌咗一个餐，我就食椒麻鸡拌面+温泉蛋配黑糖红豆鲜奶。鸡肉好软好滑，椒麻味道食落口又麻又香又辣，好爽。半生熟嘅温泉蛋，捞面都好正。朋友就嗌咗个安格斯牛肉配大地鱼鸡汤菠菜面。朋友话佢个慢煮牛肉都好嫩，唔会太熟，个汤都好好饮，唔会饮完口渴。杯黑糖鲜奶，打卡一流。性价比好高，两个人买单都唔洗$140。