六十六十火鍋 (已結業)

十二月天气冻，最适合打边炉！一入铺头见到有椰子鸡汤底，谂都唔洗谂就拣呢个。鸡肉指定六分钟后开镬食，口感肉地鲜嫩啱啱好！椰子汤底鲜甜，仲有啖啖爽甜椰子肉。海鲜亦都好新鲜，有花甲、蚝、肉蟹、扇贝。贝壳类新鲜，蚝食落都好肥美鲜甜，最满足系肉蟹一大只，啖啖肉！配料都有好多选择，order咗手打墨鱼丸、花胶仔、生菜、淮山、西班牙梅头肉，仲有鸭红，味道唔错，淮山好粉，花胶仔足料，略嫌墨鱼丸份量太少，但味道好好。汤底靓，又浸过海鲜，最后忍唔住饮晒啲汤，份量啱啱好！