農米莊 (豉油街)

营业中

休息中

自从疫情之后，所有商场同舖头都收得好早。秋风起夜晚行过旺角想食啲暖野，见呢间开得咁夜就试吓。上菜速度都算快，姐姐服务都ok。椰子鸡汤米线有椰子味，香味甜味俱备，入口顺滑，鸡嘅胶质有煲出嚟，唔会好稀，亦都唔会太稠太浆口搞到嘴唇痴立立，我认为浓稠度啱啱好。除咗鸡之外有基本配料，唔会咁闷。唯一美中不足系落咗椰丝，我唔系咁钟意饮汤时食到。不过饮晒成碗汤都无口渴，值得一赞。黑蒜鸡汤米线黑蒜系养生之选，朋友初起感冒决定当佢食疗。蒜味唔算好浓，食完都冇话特别口臭，容易入口，但略嫌个汤咸咗少少，所以朋友都冇饮晒。