大湯家 (已結業)

是日好鬼懒，唔想煮但又想饮汤，于是嚟到呢间经过几次都未有机会嘅「大汤家」，入铺头时己过咗食晏时间，但系八个座位都坐满一半。餐牌上有八款汤，各自有标明功效（当然睇完系一个字都唔会记得啦，不过对于选择困难又唔熟识汤水功效嘅人的确系好有用嘅）。左度右度之下，我拣左椰子乌鸡汤（全名唔记得），返去当晚餐嘅一部份。汤倒出嚟份量唔少，有大汤碗嘅大半碗。椰子同鸡嘅香味都好强又好平衡。汤水一啲都唔油，好味又清爽。虽然汤料唔算超多，但系系百物腾贵嘅今日，都算系咁啦！