水鴨朱椰子雞 (已結業)

同朋友食饭聚会当然要拣打边炉慢慢恰恰下，呢间餐厅环境够晒大，空间阔落，伙记推介椰子鸡煲一于试下，鸡肉都嫩滑，有timer计住，伙记专人开炉落鸡，服务态度好，而家明显食开都系街坊，餐牌好选择而且价钱好合理。首先头盘系青瓜海哲，微辣醒胃，椰子鸡汤真系好清甜，啲边炉料唔洗沾豉油都好有味，好香椰子味，海鲜超新鲜，啲虾好生猛，虾肉好爽口，青口同蚝都系大大只，仲有劲巨型帆立贝，肉当然不能不提，佢啲牛肉肉质稔，易咬口，猪颈肉份量超多，呢间野每样材料份量都劲足，丸类好多都手打，够晒弹牙，我地仲叫左椰王饮，30蚊一个超清甜，想食火锅都推介黎！