影片
更多
2008-10-04
143 浏览
晌中环返工返咗七、八年多，成日话想试吓岭南会所，因为都未试过上D会所式嘅餐厅食饭，咁多年都得讲字，卒之哩日晏昼就过嚟食番餐，几个同事，约埋旧上司一齐聚聚旧兼擦番餐！话要系岭南校友先得，虽然小弟都系晌岭南同学会小学（晌石硖尾白田街）毕业，不过讲都无乜人识，索性托上托揾友人订位，查实都系靠挞「朵」，大家讲个信字！个名叫会所，听落好似几高档咁，入到去发觉似街坊饭堂，无乜装修，枱椅都好简单，D伙计服务都好旧式茶酒咁，样样慢条斯理，咁都OK嘅，啱我哋食得无咁拘束。5个人就要咗5个午餐，唔单止环境格局似饭堂，连午餐嘅𩠌菜选择都一样好饭堂咁，卒之点咗家乡蒸肉饼、三色蒸水蛋、萝白牛腩、红烧豆腐同炒个菜，包例汤、白饭，系咁多！样样𩠌虽然好家常，好普通，但做得绝对唔马虎，好似个肉饼又真系做得好松化唔死实，不过，话到好好食又唔讲得，个人认为算系中规中矩。反而喜出望外系佢嘅雪糕凉粉，临尾我哋1人整番碗当甜品，好似$14一客，亦见周围好多人有叫，雪糕可以拣芒果、椰子、云喱拿，我哋分别叫齐3款味，始终觉得椰子最好食，虽然唔知咩牌子雪糕，但好香椰子味，凉粉又够冻，糖水又唔太甜，爽呀！
个名叫会所，听落好似几高档咁，入到去发觉似街坊饭堂，无乜装修，枱椅都好简单，D伙计服务都好旧式茶酒咁，样样慢条斯理，咁都OK嘅，啱我哋食得无咁拘束。
5个人就要咗5个午餐，唔单止环境格局似饭堂，连午餐嘅𩠌菜选择都一样好饭堂咁，卒之点咗家乡蒸肉饼、三色蒸水蛋、萝白牛腩、红烧豆腐同炒个菜，包例汤、白饭，系咁多！样样𩠌虽然好家常，好普通，但做得绝对唔马虎，好似个肉饼又真系做得好松化唔死实，不过，话到好好食又唔讲得，个人认为算系中规中矩。反而喜出望外系佢嘅雪糕凉粉，临尾我哋1人整番碗当甜品，好似$14一客，亦见周围好多人有叫，雪糕可以拣芒果、椰子、云喱拿，我哋分别叫齐3款味，始终觉得椰子最好食，虽然唔知咩牌子雪糕，但好香椰子味，凉粉又够冻，糖水又唔太甜，爽呀！
张贴
