蘇媽.蘇媽馬來西亞茶餐室 (已結業)

接近2pm来到，好想试下椰浆饭！已经心思思左几日入面都有几多人，大约餐厅嘅一半左右。叫左咖啡鸡肉椰浆饭（$62），有得加6蚊转鸡脾，但想留肚试咖央多士。用嘅系即弃木筷子。觉得咖喱鸡份量比想像中多，唔会好辣。饭上的半只鸡蛋系冻嘅。本身冇预备水，要叫待应先致会比水你。呢只应该系参巴酱汁，有少少甜又咸，好浓味。d鱼仔同花生都炸得好劲。怕会喉咙痛。虾片同平时差唔多，但见到有毛发（眼睫毛）,不太卫生..d饭系我最期待，但似乎，只系有淡淡椰汁味，谈不上椰浆...过得去嘅。因为到下午茶时段，加14蚊要个咖央多士。个包好脆好香口！佢哋嘅咖央再加左牛油，令成个酱再rich d。我分开左两边食，无牛油，咖咉个甜味出d。两件好快就食哂。走时，下午茶时段仍好多人光顾。下次想试下拉茶同其他面食。