貴族甜品 (埃華街)

营业中

休息中

防疫措施逐步放宽，见到夜晚越来越多人出街食饭，呢夜晚食完饭之后，同朋友想揾间甜品舖食甜品，行咗好多间都爆晒人，于是乎就行远啲去到大角咀，呢间甜品舖食始终位置上面比较吊脚，所以就有位可以坐低食，如果夏天嘅时候，黎呢间甜品舖当然可以食沙冰，又或者雪糕，我自己最钟意就系佢个宇治金时个抹茶雪糕加上红豆好挟，但系而家喺冬天，啱啱𠮶几日天气又冻，所以就食啲暖嘅甜品，呢度最出名暖嘅甜品就系椰皇啦，系原个椰皇，中间有唔同嘅配搭，例如芋圆喇啦、桃胶等等，今日就叫咗个椰皇炖芋圆，椰皇嘅清香好正，另外有嗌咗一个鲜奶炖蛋白，唔知系咪因为人多嘅关系呢，水准好似冇平时咁好，尤其是个蛋白比较淡，下次再嚟试多次试真啲先。