杏甜品 (豉油街) (已結業)

有日系旺角收工都无咩胃口，唔想食晚饭，于是同事提议去食甜品，就去咗呢间杏 ALMOND 。我同朋友讲我对于杏汁麻麻地，接受唔到果种杏汁味道，但俾佢闹番我转头话仲有其他种类唔一定食同杏汁有关甜品。入到去铺仔细细， 唔建议一大班人去食因为排队有机会等好耐，店舖入面都有张贴用餐时间为30分钟告示，唔适合吹水gathering 。必食招牌第一位有杏仁茶炖蛋白$55但因为唔啱口味无叫到，所以叫咗第二位既椰皇汤圆炖双皮奶$69，而汤丸就选择咗抹茶汤丸。汤圆有3粒，汤圆入面系抹茶馅比较好少见，仲要皮薄唔痴口，馅又香滑，好好味。