影片
更多
2011-08-29
10 浏览
甚少踏足入大角咀，因为唔系自己活动嘅范围，今次走咗嚟依区嘅猪仔糖水揾食，原因系晌奥海城食完饭，过嚟大角咀极之近，其实主因系得到张$50现金券，梗系要用埋佢啦。大角咀杉树街，都算一条小型「食街」，火锅店都几间，又有出名卖龙虾粥嘅煲仔粥，另一间卖甜品嘅水记，又有烧烤专门店……。所以，猪仔糖水开晌度，咁多晚饭、宵夜客，相信有得做。铺内装修较似快餐店咁，白枱有椅背橙凳，感觉几醒目，而且枱凳无松记、绿林𠮶啲拍得咁迫，好坐好多，至少唔会迫到插针都插唔入。选择方面都有几多嘢拣，汤圆、紫米露、西米露……依类基本嘢都唔少得，佢仲有时下几吃香嘅绵绵冰呀、台式嘅芋圆呀，又有啲特色饮品如焦糖咖啡撞奶，荔枝玉露……，仲卖埋小食，好似黄金薯粒、炭烧鸡肾串……，算得上应有尽有。最后两公婆，心大心细，左拣右拣，卒之决定拣咗椰皇双星：椰林炖奶（$27）同椰皇甜蜜汤圆（$23），啱啱好$50用晒！椰林炖奶原个椰青炖，原个上，餐牌嘅介绍系椰皇+鲜奶+蛋白，炖鲜奶蛋白唔算滑溜到「sir」一声滑过喉咙，但奶味就绝对劲浓，而且甜度啱啱好。食完炖鲜奶蛋白，再食椰青肉，肉质炖过已经腍晒，加埋店主提供了铁匙，刮椰青肉变得轻而易举，食落
大角咀杉树街，都算一条小型「食街」，火锅店都几间，又有出名卖龙虾粥嘅煲仔粥，另一间卖甜品嘅水记，又有烧烤专门店……。所以，猪仔糖水开晌度，咁多晚饭、宵夜客，相信有得做。铺内装修较似快餐店咁，白枱有椅背橙凳，感觉几醒目，而且枱凳无松记、绿林𠮶啲拍得咁迫，好坐好多，至少唔会迫到插针都插唔入。
选择方面都有几多嘢拣，汤圆、紫米露、西米露……依类基本嘢都唔少得，佢仲有时下几吃香嘅绵绵冰呀、台式嘅芋圆呀，又有啲特色饮品如焦糖咖啡撞奶，荔枝玉露……，仲卖埋小食，好似黄金薯粒、炭烧鸡肾串……，算得上应有尽有。最后两公婆，心大心细，左拣右拣，卒之决定拣咗椰皇双星：椰林炖奶（$27）同椰皇甜蜜汤圆（$23），啱啱好$50用晒！
椰林炖奶原个椰青炖，原个上，餐牌嘅介绍系椰皇+鲜奶+蛋白，炖鲜奶蛋白唔算滑溜到「sir」一声滑过喉咙，但奶味就绝对劲浓，而且甜度啱啱好。食完炖鲜奶蛋白，再食椰青肉，肉质炖过已经腍晒，加埋店主提供了铁匙，刮椰青肉变得轻而易举，食落椰青肉带少许奶香，几好食！
椰皇甜蜜汤圆同样以原个椰青上，介绍系有汤圆x5+椰皇水+椰奶+抹茶珍珠，但实情系无珍珠，晌侍应妹妹，佢话无咗好耐，不过餐牌无改，如果晌个餐牌划走「抹茶珍珠」几只字就唔会令食客有误会。至于个甜品，个糖水底无咩特别，只系椰皇水加椰奶，不过唔太甜就几啱我哋，汤圆有麻蓉、花生，馅就几香滑，但唔知系咪就番个椰青，汤圆做得较为细粒少少，而且厚皮，所以，要扣啲分。一样，食完汤圆又可能刮椰青肉食。
张贴
