椰粉湯紅 (已結業)

来到湾仔，又系为咗个汤。事关我真系好钟意饮汤吖。虽然夜晚禁『堂食』，但如果有咁好嘅材料，好嘅包装，带返屋企一样咁好味，又唔会倒泻，实在抵赞吖。呢个系汤品『椰皇川贝海底椰排骨炖鳄鱼肉』，睇吓，材料十足，川贝，海底椰，煲到软腍的排骨同埋唔算少的鳄鱼肉，做到『原、鲜、浓』，真系味美鲜甜，完全没有味精，配埋一碗彩虹饭，一流。呢个椰皇汤的包装绝对正，椰皇用保鲜纸包实，下边仲有个纸碗托住，万无一失，返到屋企滴『汤』不漏。而『椰香海南鸡』亦系一个好惹味又正宗的海南鸡，个姜蓉酱汁点鸡超正。