Belly Soul (已結業)

今日嚟到標榜健康嘅cafe- belly soul 。中午時段會有lunch set，大概$100左右一個主食，前菜/湯，飲品。今次叫咗生酮泡菜雞肉蛋炒椰菜花飯。呢個椰菜花飯超級有驚喜，因為佢配咗泡菜，味道唔會好寡，亦都有雞蛋起上面，撈埋一齊食有脆脆嘅口感。另外叫咗意大利青醬配松子溫泉蛋意粉。幾鍾意呢度嘅意粉唔會煮得泰林，食落去有咬口，而且佢個青醬食落去唔會好漏，食晒成碟都唔會又覺得好肥嘅感覺最後要讚一讚佢個蘑菇湯，飲得出佢係新鮮蘑菇打造而成，因為飲落去嘅時候有一粒粒嘅碎。飲品方面就飲咗兩杯都係latte ，咖啡質素中規中矩。