金泰皇泰國菜館

营业中

休息中

我哋两个人喺附近揾野食，心血来潮想去九龙城试食泰国菜，可能近晚饭时间，周围嘅铺头都多人等，有啲铺头无人食又惊中伏，最后饿得济，就去咗食金泰皇呢间。铺面都好简朴，但外面接待嘅姨姨几热情，一嚟就介绍啲招牌菜，最后满面笑容招呼我哋入去。佢哋都几有礼貌，我哋唔食得辣，佢就推荐我哋食啲无咁辣嘅，最后拣左泰式炒椰菜苗、明炉蒸鸟头、鸡虾炒金边粉、泰式炒饭。第一道上嘅系泰式炒椰菜苗，佢𠮶个菜好好味，花生炒香加上麻油好正，简单但个味好岀。第二系金边粉，普普通通，无咩特别。第三系条鱼，唔太新鲜，少少腥，不太推荐。