金寶泰國菜館 (已搬遷) 新店位置

今天想吃泰菜，其实耐不耐就会咁㗎啦。于是由MTR乐富一路散步就来到九龙城。突然一阵大雨，咁啱来到金宝，咁就入咗来。2人连饮品点咗4样嘢。有椰青海鲜焗饭，冬荫功，串烧沙爹及三式冰。好大一个椰青饭，三只大虾铺喺面，而下面就有浓味椰汁饭，有切成一条条同埋煮得好腍嘅椰肉，以及杂菜粒同埋两只size唔细嘅鱿鱼仔，好味，但似乎甜咗少少;冬荫功亦系正正常常地味道，酸酸哋，辣辣哋;串烧就猪，牛，肉各二串，就算冇碟咖哩酱汁都好吃，除咗牛串熟咗啲。三色冰椰味浓，够冰冻已足够。