漢斯 (已結業)

鲗鱼涌多好嘢食就系人都知，不过放lunch嘅时间就好似打仗咁，一街都系人，今日晏咗出去食饭，不过周围依然都系人头涌涌 ，经过呢一间汉斯餐厅 ，感觉好似唔错见到午餐都几多选择， 而且听同事话，呢度嘅喇沙同埋咖哩嘅水准质素都几高， 可以一试。入到去其实都几多人，都好爆㗎， 不过人数喺某程度上，亦都代表系质素嘅指标。坐落都几舒服，环境ok。lunch menu都有唔同嘅选择， 而且都几多款式， 而且仲大大只字写明：不加味精、不含色素，似乎唔错㖞。店长好热情咁推介我试下佢哋嘅厨师精选， 我系即叫即焗 ，似乎唔错 ，一嚟到已经好热辣辣，仲闻到阵阵嘅咖哩同埋椰香味。鸡肉都几大粒，而且无骨，好细心，最啱我呢啲 怕麻烦嘅懒人。而且焗得好干身，薯仔焗得脆脆地，金黄色咁，好香口。仲有啲萝卜、洋葱等等唔同嘅蔬菜。不过我最钟意都系个咖哩汁，真系冇味精，食落唔会好咸，唔会令喉咙好干。饮咗一半先记得影嘅柚子蜜 ，唔似坊间嘅死甜 ，凉得嚟都滋润，唔错。