可可豬椰香海南雞專門店

营业中

休息中

作为大埔人嘅我，无港铁真系会好少嚟呢面。正所谓，屯马开通真的很兴奋。嚟个即兴屯马线游。由于游咗成日都想返屋企休息下。所以决定买外卖返屋企。行下行下见到呢间cocopig。见佢卖泰菜外卖为主。所以决定试吓。我叫咗个特色椰香海南鸡饭，日式胡麻酱手撕鸡冷面。泰式酸辣无骨凤爪。点咗樽热情丰盛。返到屋企急不及待嗱嗱临开餐。特色椰香海南鸡饭-首先饭系油饭，再加埋有椰香味。估唔到出奇地夹。鸡肉劲滑，鸡皮同鸡肉嘅中间更加有一层啫喱。滑嘟嘟咁。日式胡麻酱手撕鸡冷面。鸡嘅份量都算多。而且都好滑。冷面喺夏天度食劲透心凉。泰式酸辣无骨凤爪-酸酸美味咁，非常开胃。 另外要提嘅就系，热情丰盛， 系游热情果，杞子同青柠制成嘅饮品，甜甜地酸酸地咁啱晒夏天饮。