Dragon I

营业中

休息中

中式装修，但又带点时代感，有点中西合壁的感觉。Lunch time有任点任食点心，每位$98仲埋包茶钱。个menu有25种点心任叫，酒楼有的点心佢都有，咁当然做得晶致d啦，价钱和质数同酒店的中菜厅差唔多。基本上我o地都食晒佢menu d点心，我最欣赏系鲜虾肠粉，鲜虾大大只又好爽，粉又好滑、叉烧酥个皮好松化、北菇鸡扎同百花让瓜莆大大件、黑椒爽肚好入味又爽、叉烧包、烧买就一般货色，虾饺同素粉果个皮略为厚身。最后我o地仲叫了芝麻香蕉球同红豆沙煎软饼，依两样都唔错，唔太甜又唔太油腻，不过系另加钱，不包的。其实都算贵，系中环一般酒楼都要咁价钱，而且环境都未必有依到咁正。