滿記甜品 (已結業)

一行8人去完suzuki cafe 食dinner, 便到满记食糖水。我地原本去4楼o个间，不过好full , 要等，等ge时候佢话10/F有位唔洗等，问我地介唔介意上去。唔洗等又点会介意呀。10/Fo个间较大较宽敞，坐得比较舒服。我要了个杨枝金露豆腐花。豆腐花几有豆味，质地好滑，同杨枝金露个味都好夹。杨枝金露好够冻，而且非常足料。有芒果粒、西米、柚子肉同透明珠。芒果粒好甜；西米凐烟韧韧；柚子肉不会苦涩；仲有d同西米一样咁大的透明珠，好爽口，同西米相映成趣。服务都好，除了食甜品，我地仲摊晒各人的手信在枱上食，佢地都无话唔得；食完坐喺度倾偈又无赶客。