影片
更多
2019-05-04
440 浏览
男友今日笑咪咪咁话带我去食好西，好似好惊喜咁，又唔系我生日🎂，唔知搅咩😂黎左耀华街既乐寿司🍣大厦lobby装修，感觉唔太好咁，好大烟尘又多木板，不过一出䢂门就feel到入左另一个世界🥳门口个水池完全有洗涤心灵既作用，有啲似去左泰国既高级spa🙏🏼虽然我地到既时候餐厅唔算好多人，但后来发现真系冇得walk in，喺我地入座后之后黎既都系订左枱既客人⋯我谂尤其系weekend 杀上去食既多数都GG了⋯😖😅虽然迟book枱所以要坐门口位、但店员服务都好好，而且每张枱都系卡位，私隐度很高。餐牌很简单的有不同lunch set，以咁高级既setting，lunch set嘅价钱相对地都唔贵。经理见我地有选择困难症咁，都好细心走来问一问我哋。男友话佢唔知拣边样好，又想食寿司set但又想食一啲刺身，结果经理为我哋推介暂时仲未喺Menu推出嘅六周年特别套餐，系有6样刺身加6样寿司🍣，好似好吸引！男友见到咁特别就拣左呢个！本来我仲谂紧好唔好食第二款，但系听到经理推介呢个餐又有大拖罗又有海胆，都系觉得食呢个正！反正都唔系我买单😂🤪落左单冇几耐，店员就先送上沙律同埋渍物。鲜菜沙律🥗不外乎都系车厘茄、粟米同生
大厦lobby装修，感觉唔太好咁，好大烟尘又多木板，不过一出䢂门就feel到入左另一个世界🥳
门口个水池完全有洗涤心灵既作用，有啲似去左泰国既高级spa🙏🏼
虽然我地到既时候餐厅唔算好多人，但后来发现真系冇得walk in，喺我地入座后之后黎既都系订左枱既客人⋯我谂尤其系weekend 杀上去食既多数都GG了⋯😖😅
虽然迟book枱所以要坐门口位、但店员服务都好好，而且每张枱都系卡位，私隐度很高。餐牌很简单的有不同lunch set，以咁高级既setting，lunch set嘅价钱相对地都唔贵。
经理见我地有选择困难症咁，都好细心走来问一问我哋。男友话佢唔知拣边样好，又想食寿司set但又想食一啲刺身，结果经理为我哋推介暂时仲未喺Menu推出嘅六周年特别套餐，系有6样刺身加6样寿司🍣，好似好吸引！男友见到咁特别就拣左呢个！本来我仲谂紧好唔好食第二款，但系听到经理推介呢个餐又有大拖罗又有海胆，都系觉得食呢个正！反正都唔系我买单😂🤪
落左单冇几耐，店员就先送上沙律同埋渍物。
鲜菜沙律🥗不外乎都系车厘茄、粟米同生菜🥬配上少少芝麻汁，不过加咗少少白肉鱼，好新鲜肉质好甜！即刻更加期待一阵嘅刺身😍渍物系一啲菠菜切细粒左加埋啲木鱼丝，男友觉得有少少咸，但我就觉得刚刚好，几入味同埋开胃👍🏼
主菜既刺身寿司set黎啦！真心色香味都有哂！先讲成个set既布置都好精致，睇到所有食材都好新鲜，而且选择既海鲜亦好多款😍完全满足哂foodie既所有愿望！
店员介绍上行刺身由右至左食，之后下行寿司由左至右，味道由淡到浓，简单易明！咁就先由只大生蚝食起！呢只日本巨大生蚝非常清甜，比起澳洲南非𠮶啲相对地又唔重海水味、又唔会creamy，但就好清甜滑漏，好似佢一生都喺好干净既泉水生活咁😂😋而且佢育新真系全部都系白色，一啲唔干净或者杂质都冇，育新完美无瑕😱🥳🥳😍
之后嘅大拖罗就真系不得了，超级惊喜佢两大大块，一啲都唔孤寒，净系呢两旧都已经值$200 ！平时我本人就钟意食中拖罗多啲嘅，因为觉得大拖罗实在太油！不过呢一件𠮶个油脂真系好甘香，入口即融，但又唔会话过漏！两块刚刚好，可以食完第一块惊艳和再慢慢叹埋第二次，咁就真系刚得好满足😌之后既鱼子、油甘鱼得都好鲜甜，而且份量其实好多，明明起身到而家都未食野，但呢个份量其实真系好劲！
到寿司啦😍好钟意佢啲寿司🍣饭都有渍左，少啲醋味、多一层豉油香但又唔过浓！所以我觉得唔驶点豉油都好食！
第一旧帆立贝寿司，之后再嚟牡丹虾寿司，带子同虾一样好好用而且鲜甜我觉得自己个口腔好幸福😅😍而且佢嘅排序都好细心同好有心思，因为之前连续食咗几件与刺身，食返啲贝壳类过一过场感觉好好。
之后有两件白肉鱼，唔系好识得出系乜嘢鱼，但系佢哋火炙，超好食！难得师傅只系火炙过层皮，肉身仲系生既，超鲜，而个皮灸过有少少脆，食落好香！口感一流！好少会见到咁样火炙寿司而且真系好好食！大惊喜呀！🥰🥰🥰🥰
海胆唔使多讲，鲜甜、丰满、甘香！满口都系幸福嘅感觉😭🥰
最好笑系男友连啲海草海带都唔放过，其实我试左少少都系好干净同新鲜，呢个盛合满分💯呀！
食完其实真系好饱，但系之后估唔到仲有拎埋个味增汤同埋蟹肉蒸蛋上嚟，食咗成盘生冷野饮番个热汤🍲感觉好舒服，个蟹肉蒸蛋超华超香，蟹肉都唔少。唯一有少少瑕疵就系食到有少少蟹壳，拆肉时可能miss左，不过可以接受既。经理问我地觉得个刺身寿司🍣点样，我地除左赞都唔知讲咩好。
最后仲有甜品，可以拣柚子或线茶雪糕🍦我地都拣左柚子味，好清新既sorbet，饱得黎又满足，今晚睇黎都系要斋戒一下😂
张贴
