影片
更多
2018-07-30
2843 浏览
话说又系生日🎂饭系列🤣7月真系食唔完之月😋😋😋😋其实呢间蒸蒸日上私房菜我既一班朋友之前已经食过、但𠮶次我咁啱不在港，就唔到时间错过左，偏偏佢食班死野食完赞不绝口！个个都大赞比起坊间既蒸海鲜，呢间真系高几班，搅到我话到我生日今次一定要食！😤呢间其实有两间「分店」，近佐敦呢个架步应该专门招呼大啲既party😯一到埗见个场地放左两张6人枱、一张大圆枱，一张4人枱，地方都几阔落，虽然几枱一食得高兴都会嘈嘈地，不过绝对可接受，而且好干净企理、完全冇纸箱📦杂物。听讲仲有一间VIP房都系放一张大圆枱，有minimum charge不过够一枱人一定食到。由于友人一早订左枱订左餐（应该要一早拣定，因为佢地要预备材料），所以我其实都唔要有咩食，店员姐姐为我地端上菊花红枣龙眼肉茶，都十分足料，饮落去好润喉清甜！然后就问我地可以开始食未。人齐啦就食啦！😋先黎一啲蚬先！姐姐会帮你落窝面蒸，放好timer，够钟会帮你上碟！🤗而个粥底亦一早set左喺底，所以订枱前都要拣定⋯啲蚬蒸左分黎钟已食得！一开盖𠮶下啲蒸气好香！肉质鲜甜，一啲都冇过熟、肉又嫩又有汁！唯一我有一只有沙未咬清，但我见我啲friend𠮶啲都冇沙，咁我
呢间其实有两间「分店」，近佐敦呢个架步应该专门招呼大啲既party😯
一到埗见个场地放左两张6人枱、一张大圆枱，一张4人枱，地方都几阔落，虽然几枱一食得高兴都会嘈嘈地，不过绝对可接受，而且好干净企理、完全冇纸箱📦杂物。听讲仲有一间VIP房都系放一张大圆枱，有minimum charge不过够一枱人一定食到。
由于友人一早订左枱订左餐（应该要一早拣定，因为佢地要预备材料），所以我其实都唔要有咩食，店员姐姐为我地端上菊花红枣龙眼肉茶，都十分足料，饮落去好润喉清甜！然后就问我地可以开始食未。人齐啦就食啦！😋
先黎一啲蚬先！姐姐会帮你落窝面蒸，放好timer，够钟会帮你上碟！🤗而个粥底亦一早set左喺底，所以订枱前都要拣定⋯
喷水贝壳
46 浏览
0 赞好
0 留言
啲蚬蒸左分黎钟已食得！一开盖𠮶下啲蒸气好香！肉质鲜甜，一啲都冇过熟、肉又嫩又有汁！唯一我有一只有沙未咬清，但我见我啲friend𠮶啲都冇沙，咁我食左5-6只都系一只有沙，可接受！
蒸海虾、喷水贝壳、贵妃蚌、鲍鱼
79 浏览
0 赞好
0 留言
由于太多美食，只能夹埋啲相一齐po🤣
第二味系到蒸虾！好大只呀！又系蒸几分钟就又食得，我地又食又倾我觉得阿姐好似好快手咁，要我地食唔停🙈😆
哗！啲虾🦐又系好弹牙既肉！又系劲甜！男友话系海虾黎的，啲肉先会咁结实💪🏼
第三味就系贵妃蚌啦！呢个真系不得了，一人一只蒜蓉粉丝蒸，只蚌好大只，唔好讲个壳几大，系只蚌有差唔多我手掌咁大🖐🏼厚度又唔会太厚，所以肉质甜又有鲜味、加埋少少蒜蓉提升左个香味但又唔会太抢！粉丝索左啲蚌汁！呢个真系满分💯👏🏼👏🏼👏🏼
花螺
31 浏览
0 赞好
0 留言
次后就到花螺，虽然佢偏细只，但胜在近新鲜同干净，了出黎个尾都冇好深色既屎，唔知系咪因为佢够「后生」定啲水质够干净，讲真，食到螺呢，我先点左少少豉油，因为样样海鲜都好鲜味！😍👏🏼👏🏼👏🏼
下一味系个鲍鱼，呢个就相对普通，佢拆左壳切左一掌先同你蒸，所以蒸左分零钟已食得！不过鲍鱼味就唔系话好重、食到暂时唯一一样有少少野可以挑剔的，就系鲍鱼食落口有少少淋左。但鲜味仲好高既～
什菜配龙趸、手切牛肉、滑鸡什菌、
40 浏览
0 赞好
0 留言
食到呢度其实饱左一半，但其实啲重份量既先而家开始！下一味落既系龙趸！而且唔只有鱼，仲有好多菜心同翠玉瓜，所以除左食蒸海鲜都仲有好多蔬菜🥗😂讲返个鱼，佢切块件件都好巨、肉质都系个句，真系弹牙又滑又有鱼既鲜味😋🌊同埋佢呢个龙趸每人为返有3大件，再加埋D菜，食完呢个鱼都真系好饱! 因为其实佢既份量都唔细，我地又带左支日本既桃酒来送海鲜🥂🍾
话时话，呢度自备酒水就当然冇问题之余，佢地仲唔收开瓶费! 天啊，冇加一冇开瓶费，但其实又可以免费畀埋冰桶、杯等等，仲要其实个姐姐都好好服务!👏🏼👏🏼讲到呢度，个姐姐就问我地有冇人今个月生日，如果有就会送多一个寿包 😆不过佢会要你show一show身份证畀佢睇一睇! 仲有生日礼物，呢间野其实都几良心啊~😂🤤
蒸蟹配墨鱼丸及猪皮
38 浏览
0 赞好
0 留言
去左个toilet break返来原来已开始蒸蟹🦀仲要加埋佢地自家制既黑松露墨鱼丸! D蟹虽然唔大只，目测就3-4両左右啦，但蒸落好鲜甜! 另外每人都有2-3粒墨鱼丸，墨鱼味好香，不过黑松露其实就冇咩特别。呢一道菜仲有个亮点，就系佢连埋D猪皮一齐蒸! D猪皮本身好爽口，索埋D蟹汁好甜! 我男友都忍唔住同姐姐大赞个猪皮好得👏🏼👍🏼👍🏼
话哂都食左7样海鲜，跟住佢就到肉同菜，先有一道手切牛肉~🐮原来牛肉都可以咁蒸 而且蒸既时间一定要够短，每边30秒左右就刚好上碟，而且佢又系好有份量，每人都有2-3块 一入口D牛肉一D筋都冇，但又有赵劲! 🤓
牛之后就有鸡，佢呢个什菌蒸滑鸡真系好夹，D鸡蒸到刚刚熟，一D都唔鞋，真系大胆讲句冇牙都食到!🐥😋而且鸡味好香，完全冇任何雪味，而且系香港可以食到咁好食既冰鲜鸡真系唔多🙈😆
系开粥食之前，仲有一味什菜，有南瓜、萝卜、蕃薯同马蹄，样样都洗同切得好干净，食落都好甜，只有蕃薯比较冇咩味。而且真系跑到上心口了🤓但又唔可以唔食下佢呢个吸收哂所有海鲜同肉既精华既粥~
菜干排骨粥
35 浏览
0 赞好
0 留言
我地拣左菜干排骨粥，粥底都系要喺订枱时拣好，今次呢个菜干粥好啲菜干味香得来好清甜，虽然食到真系好饱，但点都要试少少，然后食唔哂都可以带走。
寿包
54 浏览
0 赞好
0 留言
脆皮地瓜丸
22 浏览
0 赞好
0 留言
最后就有个炸地瓜丸，连埋送既「寿包」，原来系会送一人一粒、而且系公仔一样架！🙋🏼♀️🙋🏼♂️有男仔女仔样，一个莲蓉一个豆沙
但个炸地瓜丸真系不得了，外层系炸粉包蕃薯皮，入面系芋泥！而且个芋泥好香呀！系我地细个食菲律宾运返黎𠮶啲芋头雪糕既香味呀！😍😍😍😂😋🤤🤤🤤
真系好好食！几饱都要食！而且咁饱我地都系再加多几粒！
讲真，呢餐饭真系饱到不行了，还好唔太多肉同埋唔油，所以落左枱就唔会话好辛苦🙈🤣一间私房菜做到啲野咁好食、材料新鲜、地方干净地点又方便，服务都咁好，最重要系价钱真系好抵食，性价比极极极高！蒸蒸日上，I’ll be back! 😍🤓😋💯💯💯💯👍🏼👏🏼👏🏼👏🏼
每位$330(蒸蒸日上）
（免收加一，只收现金）
喷水贝壳，扎扎跳海虾
蒜茸粉丝蒸贵妃蚌，
野生花螺，大莲鲜鲍鱼
游水龙趸斑
生猛靓海蟹，黑松露墨鱼丸
手切顶级牛小排
农场走地鸡
温室野菌田园粗粮蔬菜盘
特色独有绵滑蒸锅粥
脆皮地瓜丸
张贴
