抹茶館 (已結業)

今晚我们去咗将军澳新都城中心二期嘅「抹茶馆」食晚饭！我们叫咗吉列猪扒滑蛋丼、鸡肉蕃茄拉面、泡菜牛肉温泉蛋丼、抹茶白玉红豆窝夫新地、芒果忌廉铜锣烧同什莓芝士忌廉蛋糕铜锣烧！鸡肉蕃茄拉面嘅蕃茄汤底好浓，味道超咸！ 抹茶白玉红豆窝夫新地嘅白玉唔系好烟韧弹牙， 感觉好似一团未煮熟嘅面粉咁！ 芒果忌廉铜锣烧同什莓芝士忌廉蛋糕铜锣烧嘅铜锣烧唔系好松软， 饼质非常松散， 煎到有啲焦黑同好「嚡」好干身， 就连麦记嘅热香饼都好食过他们！ 芒果嘅份量又少， 𠮶一小团蕃薯蓉嘅卖相唔太吸引， 味道甜到过腻， 见到个卖相只会令到食欲大大减低！ 「抹茶馆」出名主打嘅食物系甜品， 但出品竟然系咁货不对版， 真系令我们极之失望！