影片
更多
2020-10-07
731 浏览
已经系第3次试呢间餐厅, 头2次都系有D失望, 因为食物上碟时总系唔够热, 试过扒,牛尾,意粉, 质素算叫做过得去, 咁就算啦, 可以叫做食个气氛同服务态度。 星期一晚见冇乜人, 谂住试一试, 点知今次真系离晒大谱! 食到好嬲!「第一嬲👎🏼：上错食物」8点入座 叫左个$180既美国牛封门柳配薯蓉, **落单时讲明要五成熟, 8:20分一送到黎切开 入面系全熟既!** 讲紧个时成间餐厅有3枱客, 3对couple, 我地系最尾入座个枱, 客量唔多, 唔明点解咁都可以搞错? 你话忙中有乱都情有可原, 咁都搞得错, 系完全浪费左个食材! 亦浪费左我自己时间系到等佢煮一份岩既过黎!「第二嬲👎🏼：食物迟迟未上枱」终于等到个牛柳送到黎, 一切开, 终于煮岩左啦, 约6成熟啦, 质素下面个part再讲。食食下见差唔多时间, 就嗌多样野试下啦。两个人叫2个餐先够饱。叫左个$88既推广套餐: 猪梅肉扒。个时客人都走晒嫁啦, 得返我地呢枱, 约8:50分倒。**我地足足等左半个钟佢都未上菜!** 催下个侍应, 隔左8分钟倒终于黎啦, 一睇, 真系嬲到震! 睇下面质素个Part就知点解!「第三嬲最最最嬲👎🏼
「第一嬲👎🏼：上错食物」
8点入座 叫左个$180既美国牛封门柳配薯蓉, **落单时讲明要五成熟, 8:20分一送到黎切开 入面系全熟既!** 讲紧个时成间餐厅有3枱客, 3对couple, 我地系最尾入座个枱, 客量唔多, 唔明点解咁都可以搞错? 你话忙中有乱都情有可原, 咁都搞得错, 系完全浪费左个食材! 亦浪费左我自己时间系到等佢煮一份岩既过黎!
「第二嬲👎🏼：食物迟迟未上枱」
终于等到个牛柳送到黎, 一切开, 终于煮岩左啦, 约6成熟啦, 质素下面个part再讲。食食下见差唔多时间, 就嗌多样野试下啦。两个人叫2个餐先够饱。叫左个$88既推广套餐: 猪梅肉扒。个时客人都走晒嫁啦, 得返我地呢枱, 约8:50分倒。**我地足足等左半个钟佢都未上菜!** 催下个侍应, 隔左8分钟倒终于黎啦, 一睇, 真系嬲到震! 睇下面质素个Part就知点解!
「第三嬲最最最嬲👎🏼：食物质素真心差, 去食茶记/杯面都好过佢!」
请问各位, 我系食紧西餐, 唔系系天台烧紧野食/炉端烧呀嘛? **下面呢块铁板猪梅肉扒, 成个面㶶到咁都可以拎比客人食???!! 一切开入面, 完全系硬实实既!** 我真系食唔落! 另外讲下配菜个薯蓉，个薯蓉系起晒粒既, 又唔够热。**真系唔知你地厨房入面系点样处理d食材, 一系就煮错, 一系就煮㶶, 一系就煮到d野冻晒既????** 个牛柳以$180质素黎讲, **系完全唔值呢个价** 冇牛味, 有d边位都系煮到㶶左。个猪梅肉扒更加唔洗讲, 食左一啖已经咬唔落....
最后的话：
睇紧食评既大家, 自己衡量要唔要去呢到食野啦, 如果系同一个厨师煮野食, 我就真系唔知呢到下面个d"精彩好评"系点得返黎既。*呢间餐厅系区内算标得中高价钱, 你餐牌写呢个价, 人地就会expect可以享受到一个好既食物质素, 唔系过黎你呢到食㶶左既鞋底。* 👉🏼👉🏼我想问厨师一句: 以心问心, 如果系煮西餐比自己亲人/朋友食, 你会接受到拎一块㶶晒面又硬晒既猪扒比佢地食??👈🏼👈🏼 如果各位系打算黎呢间餐厅庆祝周年纪念/生日/其他节日, 奉劝大家三思, 质素咁唔稳定, 废时搞到大时大节, 同另一半因为食野问题闹交伤感情啦。
P.S.
1.）就算个位札马尾既侍应姐姐最后FREE左个猪梅肉扒比我, 如果个厨房质素冇进步, 都系无补于事。一间餐厅, 最紧要系个食物质素, 连最基本既野都做唔到, 咁我不如系屋企自己煮 唔洗出街食啦??
2.）原谅我净系有2张相提供, 一路食一路已好唔满意, 都冇晒心情, 冇影到入面个馅系点, 但牛柳张相, 都清楚见到个薯蓉系起晒粒嫁! 张㶶猪扒相, 更加唔洗讲啦.
3.）你哋系第一间餐厅激到我要打千字文嚟投诉。请你地同厨房好好沟通下，改善下个食物质素、上菜程序同速度。唔好浪费咗个靓环境同埋都叫有礼貌嘅服务态度。老板你睇到真系要好好改善下，我咁样黎比钱食野，感觉同堕入骗徒骗局冇分别。
已经列入永不再去餐厅首位!!
㶶爆鞋底猪扒
$88
14 浏览
0 赞好
0 留言
唔值$180冇牛味既牛柳+起格"薯蓉"
$180
12 浏览
0 赞好
0 留言
张贴
