Joyful Dessert House

营业中

休息中

原本见呢间甜品舖几多好评又多人排队，就应该唔会差得去边，但系结果好失望，味道唔好，价钱又偏贵☹️Oreo芭菲个Oreo雪糕味道正常，但芭菲中间嘅Cream实在唔好食，口感好厚，而且味道好漏；中间的Oreo粉有中奇怪嘅味道，似受潮软咗嘅感觉，唔系平时食麦旋风Oreo碎个只味。好失望，个人觉得个芭菲唔值$64😩芒果拿破仑见佢系米芝莲招牌就嗌个试下，点知又系雷。拿破仑酥皮算正常，但味道亦都系奇奇怪怪，唔系新鲜芒果个种清新味，反而似芒果味儿童牙膏🤢难以入口朱古力绵绵冰朱古力味道偏苦涩，相比上面两款甜品算正常许多除此之外，店舖嘅店员成日行过黎想收碟，我明舖头唔大同埋出面有人排队，系要食快啲让个位俾人，但我哋甜品上台冇几耐，店员已经系咁望我哋食成点，好想收碟咁，非常影响品尝过程。呢间颠覆咗我和友人对甜品嘅认知，唔会再黎👋，即使系米芝莲都有好大保留。