韓燒大叔

营业中

休息中

今日去咗旺角行街，见到近旺角地铁站E出口有间「韩烧大叔」系食韩烧放题，午市放题价钱跟星期六日及公众假期嘅价钱一样都系$168，极为抵食，于是同朋友一齐上去试试。 今日我哋拣咗$168嘅午市放题，已经包含咗十多款肉类和韩式小食、而且重包埋出面嘅自助区，有多款韩式自家制嘅泡菜、多款蔬菜、雪糕和甜品，重有无限添饮嘅汽水。其实重可以加$38有埋海鲜选择，但我哋两个都唔系对海鲜有特别喜好，所以最后冇拣到海鲜。食物方面以烤肉为主，我哋叫咗韩式牛肋骨、韩式牛肉、美国肥牛、美国安格斯下肩胛肉、薄切牛脷、韩式猪颈肉、韩式辣猪肉等等。所有肉类嘅质数都好好，而且啲肉腌得好入味。每碟都系细细碟，唔够可以再叫、绝对唔会浪费食物。我哋重叫埋韩式小食包括有韩式蛋卷、紫菜包饭、韩式薯仔、韩式椰菜粉丝等等。全部小食都系水准之作。