宏 (已搬遷) 新店位置

承接「乌冬篇」后！到咗本人重点极力推介嘅「甜品篇」！我们叫咗抹茶雪糕拿破仑、杂果窝夫、抹茶软雪糕芭菲、香草蛋卷、日本草莓蛋卷同抹茶蛋卷！抹茶雪糕拿破仑嘅酥皮非常松脆，有浓浓嘅牛油香味！杂果窝夫嘅窝夫非常松软，夹埋雪糕一齐食，外冷内热同外脆内软感觉极之正！抹茶软雪糕芭菲嘅软雪糕好软滑，抹茶味好浓郁，有大大粒嘅红豆，味道唔会太甜，白玉亦好烟韧弹牙！香草味、日本草莓味同抹茶味蛋卷非常香滑松软，甜度恰到好处，而入面嘅忌廉亦相当香甜软滑，令人回味无穷！系本人嘅必食推介！所有甜品都系他们自创配搭，真系创意十足！呢种感觉真系非笔墨可以形容，要亲身嚟食先可以体验到点解本人会极力推介！