醉胡爐 (已搬遷) 新店位置

第一次帮衬呢间新开张嘅餐厅，就同一班朋友去试一试、顺便庆生。论环境 - 布置简单得嚟又不失grand嘅感觉、坐位舒适又有privacy，好适合情侣、三五知己或一班人，感觉很好很好。论食物 - 鱼生刺身十分新鲜、高水准、卖相都几有心机同精致，睇得又食得，而且仲要系由日本新鲜运到，无得弹。- 火锅方面，不得不赞，尤其系个汤底真系不得了，个椰子🐔㶽同火焰龙虾㶽真系回味无穷，手切牛美味非常，其他配料都有好多选择，而且都系十分新鲜。- 甜品方面有两个选择，1）醉爱老婆芝士饼 2）焦糖凤梨炖蛋，两个都好好食，最估唔到个焦糖凤梨炖蛋味道真系整得出色。论酒水 - 简直无得输，特别系日本清酒，选择真系好多好多。论服务 - 每位员工都好有礼貌，而且都几贴心，呢个真系不得不。论价钱 - 呢方面可能会偏高少少，不过论环境、食物、服务、酒水都有尚优嘅水准同选择，所以个人觉得都系大满足同值得嘅，绝对系encore首选。