影片
更多
2023-11-26
12 浏览
见呢间铁板烧网上嘅评价唔错，早前就同朋友嚟食晚饭，果然无令人失望，系近期系香港食过最好味嘅一餐铁板烧！店员首先展示今晚铁板烧嘅食材前菜方面有和歌山富有杮配芥末面豉酱，以及慢煮八爪鱼，柿嘅味道清新配咸味嘅酱又意外地好味，八爪鱼慢煮了三小时，够晒入味又够冧之后有北海道真蚝配橘子啫喱，绝无夸大，只蚝真系有手掌咁大，十分鲜味，配清甜嘅橘子啫喱好夹刺身有拖罗及真鲷，拖罗唔算肥但鲜味，特别嘅系真鲷配左松露油及雪盐，食到浓浓嘅松露油香接住系烧左口鱼边身金䲝鱼腩手卷，鱼腩肥美鲜甜，加上烧左口鱼边油香，仲要师傅特登用鱼干垫底，一啖食到唔同嘅味道及口感，层次丰富食完刺身终于到铁板烧出场，先有沙巴虎虾配鸡冠草沙律，虎虾上有满满嘅虾膏酱汁，味道十分香浓鲜甜，虾肉又够弹牙，做得非常出色！之后有帆立贝海带汤配自家腌制三文鱼子，帆立贝煮得啱啱好唔会太老，海带汤完全就系帆立贝嘅精华，最特别系三文鱼子系餐厅自家腌制，唔同一般三文鱼子爽脆嘅口感，呢度反而系冧带点软糯，亦食到腌制酱油嘅味道另一惊喜系法国鹅肝配蓝莓酱及黑豆，好多时出面嘅鹅肝煎出嚟油淋淋，呢度煎得香口但唔油，再加上蓝莓酱食完唔会有种成口油嘅感觉最后仲有煎牛柳粒
店员首先展示今晚铁板烧嘅食材
前菜方面有和歌山富有杮配芥末面豉酱，以及慢煮八爪鱼，柿嘅味道清新配咸味嘅酱又意外地好味，八爪鱼慢煮了三小时，够晒入味又够冧
之后有北海道真蚝配橘子啫喱，绝无夸大，只蚝真系有手掌咁大，十分鲜味，配清甜嘅橘子啫喱好夹
刺身有拖罗及真鲷，拖罗唔算肥但鲜味，特别嘅系真鲷配左松露油及雪盐，食到浓浓嘅松露油香
接住系烧左口鱼边身金䲝鱼腩手卷，鱼腩肥美鲜甜，加上烧左口鱼边油香，仲要师傅特登用鱼干垫底，一啖食到唔同嘅味道及口感，层次丰富
食完刺身终于到铁板烧出场，先有沙巴虎虾配鸡冠草沙律，虎虾上有满满嘅虾膏酱汁，味道十分香浓鲜甜，虾肉又够弹牙，做得非常出色！
之后有帆立贝海带汤配自家腌制三文鱼子，帆立贝煮得啱啱好唔会太老，海带汤完全就系帆立贝嘅精华，最特别系三文鱼子系餐厅自家腌制，唔同一般三文鱼子爽脆嘅口感，呢度反而系冧带点软糯，亦食到腌制酱油嘅味道
另一惊喜系法国鹅肝配蓝莓酱及黑豆，好多时出面嘅鹅肝煎出嚟油淋淋，呢度煎得香口但唔油，再加上蓝莓酱食完唔会有种成口油嘅感觉
最后仲有煎牛柳粒，我拣左五成熟，虽然厚切但仍然煎得嫩冧，牛肉味香口，基本上唔使任何调味都好好味
铁板餐嘅最后当然唔少得黑松露蟹肉炒饭、炒杂菜及鱼汤，炒饭嘅蟹肉极多，黑松露味亦唔会盖过晒蟹肉味，明明已经极饱都要食晒个炒饭
最后甜品有蕨饼及绿茶布丁配黑豆，两款甜品都清清地唔会太甜，完美为呢餐作结
总括呢餐食物款式多、食材高质、每碟菜嘅设计都别具心思，仲要套餐做紧85折，绝对系极佳嘅体验！
张贴
