藤椒知味

营业中

休息中

一向钟意食米线🍜又钟意食椒香麻辣嘅我 之前见到social media咁多介绍 就bookmark咗「藤椒知味」 谂住睇吓边日去开观塘牛头角果边就顺便去食！今日终于有机会 但换嚟嘅只有失望🤢大约一点去到餐厅 因为系食饭时间所以都满座 但店员见我一个人都好尽力帮我揾位！我好快就拣咗想食嘅自选双拼米线 因为藤椒慕名而来嘅我 当然系拣咗知味藤椒汤底配藤椒鸡扒同埋藤椒牛肉 跟餐饮品就拣咗热芋泥茉莉厚乳 最后仲加咗个红糖糍粑🥰一开始上菜嘅时候觉得份量好多 好足料嘅感觉 但食落就知中伏😢 首先知味藤椒汤底只有好淡好淡嘅藤椒味 对于重口味嘅我嚟讲系接近无味 唯一可取嘅系枱面上摆咗藤椒酱同花椒油 加咗大量之后终于放得入口😢 藤椒鸡扒嫩滑多汁 但又系完全无藤椒味 同一般鸡扒一样😢 而藤椒牛肉同样系完全无藤椒味 仲要好韧好多筋😢 而热芋泥茉莉厚乳淡而无味 感觉上系奶粉沟咗好多好多水 饮落好似芋头水😢 最后红糖糍粑唔够脆又唔够烟韧 就好似普通煎年糕😢 一向珍惜食物嘅我都唔想嘥quota 最后食净一半就埋单走人😢😢