倫哥火鍋私房菜 (已結業)

元朗美食多，但可以同一个地方满足晒所有愿望的，就只有伦哥火锅私房菜。食物款式多、食材新鲜、环境舒适、服务态度亲切、CP值超高。今晚终于俾我订到枱食喇。来到先食麻辣冷盘🌶🌶🌶，木耳和鸡脚，又麻又辣好过瘾。加埋个新鲜水果盘，开咗个胃，预备之后的大作战。刺身拼盘三文鱼、帆立贝、北寄贝、牡丹虾、八爪鱼。全部都好新鲜，没有雪味。食之前先温书，睇一睇餐纸「伦哥教你叹鸡煲四步曲 」。鸡煲滚起，每隔两分钟炒下佢，每次打开香气四溢。食得！超级惹味！啖啖肉，味道香浓，不会肥腻。食完咁多前菜，加埋个鸡煲，唔好以为咁就完。重点现在先上场 - 时令水果锅。西瓜、蜜瓜做汤底？无眼花。鸡汤做汤底，加埋西瓜、蜜瓜、粟米等，味道清甜。环游海鲜盘花蟹、蛏子、鲍鱼、带子、象拔蚌、鲩鱼腩、八爪鱼、花甲、大虾等。极其丰富，其中几项仲可以追加添。无与「伦」比牛颈脊牛中极品，色泽红润，脂肪分布均匀。浓郁的牛肉味，口感幼嫩。伦嫂手打双滑黑色的墨鱼滑和白色虾滑十分弹牙，入面仲有粒粒虾肉。低盐少油响铃鱼皮、阿妈云吞、水饺一个咁好味的汤底，当然唔好浪费，要食尽佢啦。将响铃和炸鱼皮浸一浸汤汁，Hummm，脆。软。甜。鲜。吸尽海鲜和牛肉的鲜味