影片
更多
2020-05-27
2501 浏览
朋友两个月前食过推介比我，佢话任食火锅黎讲好正，但当晚得两三枱客，武汉废炎真系害人不浅，希望火锅店可以挨得过。今晚终于黎食，竟然全场爆满，好彩有订位。任食火锅原价$288，另加酱油费同加一，唔平架，好在星期一至四有7折，星期五至日都有8折，折后价都算合理d。汤底选择都几多，加$20叫左鸳鸯锅。四川麻辣汤好多香料，唔会得个辣字，想有少少刺激但又唔太食得辣ge人建议拎走辣椒，因为会愈滚愈辣。虫草花鸡汤几清甜，鸡件都几多，虫草花好弹牙。全部汤都系真材实料落足同心机煲出黎，同现成汤包开出黎ge差好远，饮完唔颈渴。部分员工系听障人士，要用平板电脑落单，有得拣半份、全份或件数，几方便，上菜快，冇漏单。除左任食款式之外，每枱会送一份海鲜拼盘同顶级牛颈肩肉，全部海鲜都好新鲜，蚬无沙，虾、带子同鱼腩都好甜，颈肩肉牛味颇浓。肥牛唔会肥到白色多过红色，牛味不错，我觉得好食过牛颈肩肉。黑毛猪都几正，无猪膻味，切得够薄，入口即溶咁滞。叫左几款即炸食物，上枱热到滋滋声，咸蛋炸鱼皮铺满咸蛋黄劲惹味，响铃加左紫菜唔会太单调，白烚午餐肉咪搞我，但炸过就唔同讲法，浸一浸麻辣汤好好食。除左汤底系厨房即日煲之外，仲有几款唔系
朋友两个月前食过推介比我，佢话任食火锅黎讲好正，但当晚得两三枱客，武汉废炎真系害人不浅，希望火锅店可以挨得过。今晚终于黎食，竟然全场爆满，好彩有订位。
任食火锅原价$288，另加酱油费同加一，唔平架，好在星期一至四有7折，星期五至日都有8折，折后价都算合理d。
汤底选择都几多，加$20叫左鸳鸯锅。四川麻辣汤好多香料，唔会得个辣字，想有少少刺激但又唔太食得辣ge人建议拎走辣椒，因为会愈滚愈辣。虫草花鸡汤几清甜，鸡件都几多，虫草花好弹牙。全部汤都系真材实料落足同心机煲出黎，同现成汤包开出黎ge差好远，饮完唔颈渴。
部分员工系听障人士，要用平板电脑落单，有得拣半份、全份或件数，几方便，上菜快，冇漏单。除左任食款式之外，每枱会送一份海鲜拼盘同顶级牛颈肩肉，全部海鲜都好新鲜，蚬无沙，虾、带子同鱼腩都好甜，颈肩肉牛味颇浓。
肥牛唔会肥到白色多过红色，牛味不错，我觉得好食过牛颈肩肉。黑毛猪都几正，无猪膻味，切得够薄，入口即溶咁滞。
叫左几款即炸食物，上枱热到滋滋声，咸蛋炸鱼皮铺满咸蛋黄劲惹味，响铃加左紫菜唔会太单调，白烚午餐肉咪搞我，但炸过就唔同讲法，浸一浸麻辣汤好好食。
除左汤底系厨房即日煲之外，仲有几款唔系现成货嘅手工食品，虾子虾滑、蟹子墨鱼滑鲜甜弹牙。黑松露虾蟹饺带淡淡黑松露香气唔会太抢，不过芝士紫菜虾蟹饺味道就冇乜特别，两款饺嘅皮都烟韧唔易烂，好食。
汽水纸包饮品任拎，仲有竹蔗茅根水任斟，竹蔗水好清润唔太甜，生津解渴，打边炉岩晒。
📍点锅
旺角西洋菜街1号兆万中心3楼301舖
张贴
