影片
更多
2008-06-06
24 浏览
提前在这里搅端午饭局。事先来看看众食友嘅评语，发觉系毁誉参半的。同时间又想起爱吃爱煮嘅舅仔大赞呢度嘅生炒骨，恰巧这亦系太座及妈咪嘅挚爱。思前想后，决定自己亲身来体会一下，看看是否值得配上如此嘅赞誉...一行十三人，一叫就十多个𩠌，连埋粥及炒面，吃得人仰马翻。至于问我，吃完后之感觉如何 ? 小弟一定会答您 : 绝对值得一来只是家常饭局，自以家庭小菜为主。除了梅子双蒜蒸蟹之外，其他尽是些寻常小菜如椒盐鲜鱿、枸杞浸猪润、煎藕饼等等，一切海上鲜及鲍参翅肚一律免问。一向觉得，要弄这些平常家庭小菜先至系考牌之作...事先订了盐焗鸡、枸杞浸猪润及泥鯭粥，再加其他小菜，例牌上，可以试多几款，唔够再叫，才是上上之策...最快上枱嘅煎藕饼，咬落质感松散，没有加好多粉入去。吃落嗦嗦声，藕粒极足，咸度亦刚好。太座大赞味道好家常，小弟亦同意...枸杞猪润份量十足。一望见猪润嘅卖相就知今次有口福 --- 切得极厚身，色冇暗哑，一睇就知极新鲜；吃落爽口，起沙，一点苦味都没有，真的有水准，比上次响得龙吃到的更出色，就个人而言，甚至比做猪润做到成行成市嘅小店维记更好。枸杞也是新鲜货，苦涩味不太浓，跟猪润可谓天仙配...
一行十三人，一叫就十多个𩠌，连埋粥及炒面，吃得人仰马翻。至于问我，吃完后之感觉如何 ? 小弟一定会答您 : 绝对值得一来
只是家常饭局，自以家庭小菜为主。除了梅子双蒜蒸蟹之外，其他尽是些寻常小菜如椒盐鲜鱿、枸杞浸猪润、煎藕饼等等，一切海上鲜及鲍参翅肚一律免问。一向觉得，要弄这些平常家庭小菜先至系考牌之作...
事先订了盐焗鸡、枸杞浸猪润及泥鯭粥，再加其他小菜，例牌上，可以试多几款，唔够再叫，才是上上之策...
最快上枱嘅煎藕饼，咬落质感松散，没有加好多粉入去。吃落嗦嗦声，藕粒极足，咸度亦刚好。太座大赞味道好家常，小弟亦同意...
枸杞猪润份量十足。一望见猪润嘅卖相就知今次有口福 --- 切得极厚身，色冇暗哑，一睇就知极新鲜；吃落爽口，起沙，一点苦味都没有，真的有水准，比上次响得龙吃到的更出色，就个人而言，甚至比做猪润做到成行成市嘅小店维记更好。枸杞也是新鲜货，苦涩味不太浓，跟猪润可谓天仙配...
吃出信心来，跟住嘅椒盐鲜鱿亦算不错 --- 鱿鱼稍嫌不够厚身，但亦算新鲜弹牙，最重要嘅系脆浆够薄，不会只吃到厚厚嘅炸粉而吃不到鱿鱼嘅特有鲜味，比起街边排档水准绝有过之而无不及....
"蒸双芯"乃梅菜芯及菜芯是也。油下得不多，可算系较清嘅一道菜。菜芯不算十分嫩口，但梅菜芯却弄得一点也不咸，还带有少许甜味，加入少许肉碎，用来伴饭吃最好....
响menu一见到有大马站煲，不顾一切即叫，吃落却是有点失望。一个好吃嘅大马站，先决条件系虾酱要浓要多及爆得够"透"；用嘅火腩一定要肥七瘦三，这样才够油香，不然𠮶D拉车伕边会够力拉车呀 ?这里嘅虽然比上次响家附近嘅金华𠮶D水汪汪嘅货色好得多，但绝不是小弟心目中嘅理想大马站...
翠塘豆腐又系另一送饭王。蛋及豆腐蒸得滑不溜口，但铺上面头嘅馅料如虾仁粒、鸡粒及菜梗粒就份量太吝啬，美中不足...
本来不想叫梅子蒸蟹，但一想起蟹肉嘅鲜甜，还是抵受不住诱惑叫了。卖相十分诱人，梅子及蒜茸下得足。梅子嘅酸及蒜嘅香充份带出蟹肉嘅甜香，食完蟹爪再吃埋蟹拑，忙得不可开支压轴好戏当然系将𠮶D梅子蒜汁用来捞饭吃，比蟹肉还好吃。三大只蟹虽然要七百大洋，但仍觉值得...
盐焗鸡水准亦可 --- 虽然不是鲜鸡，但肉够嫩，咸度刚好亦够入味。差少少嘅系水准不够平均 --- 有些皮系脆的，但再试另外的则不是....
是次系为生炒骨而来，主角当然系佢la。试了一口，皮脆之余肉又不死硬；汁既不过酸亦不过甜，挂酱亦做得不错，碟底无太多多余嘅汁。太座激赞之余妈咪亦觉满意，于是再encore一碟先够喉。舅仔嘅称赞，果然没错....
但小弟觉得最出色的，反而系叫嚟送粥嘅豉油王炒面。炒得干身之余面条又不会黐成一团，碟底一点也不油，镬气又够，而且面条又上晒色，系小弟吃过最好嘅炒面....若果有埋余均益嘅辣椒酱，是完美....
第一次听见生记之名，就系因为𠮶煲泥鯭粥，就算已经好饱，都要撑落去粥底绵，有陈皮香。但小弟要求高，总觉偏淡口及少了一份鲜味。是有一点失望了....肉丸亦不太够弹牙，腍腍的，更失望了...
甜品系久违了嘅白糖糕。不太甜，用来清一清味蕾，刚好....
真的很满意。水准绝对系beyond expectation，肚皮大满足
张贴
