Exotica Gelatea (已結業)

听朋友讲系铜锣湾有间西餐店嘅汉堡包好好食。 今日经过铜锣湾就去试下啦～充满古代欧洲风情嘅西式餐厅，环境别致，另有一番风味。和牛汉堡 Wagyu Burger $119包好松软，唔黏口。每咬一口和牛肉汁滋晒出嚟，好juicy。和牛应该系佢哋自己整，唔咸，食晒成个包都唔口渴。酱汁同和牛 balance 得好好。猪肉汉堡 Pork Burger $87包一如既往咁松软，唔黏口，啖啖松化。汉堡猪扒应该系佢哋自家制，食落好有家嘅感觉，剁得啲猪肉粒粒分明。酱汁无抢到猪扒嘅味道。跟住我哋叫埋个 Iced Matcha Latte $55呢杯Matcha配埋汉堡嚟食唔会令你滞，奶同绿茶嘅分配好适中。饮落反而令你感觉好清新。整体黎讲，Exotica Gelatea 食物健康，少添加剂，无咩味精，食到饱饱都唔觉滞。呢间我绝对会介绍朋友食，自己都会 encall 再 encall 。今次食得太饱，所以无食到佢哋自家制嘅雪糕，睇落都好吸引。下次带多几个friends可以试埋个雪糕。