海安咖啡室 (已結業)

返工日子等左成朝终于到午饭时间，但由于疫情关系，同事全部都叫外卖，唯有独自一个出去食饭。可能时间尚早，平时好多人等既海安咖啡室竟然唔洗等，决定入去试下。睇完餐牌，本身谂住叫司华力肠姜葱香油捞面餐，跟住望到隔离枱食客啲叉烧好似几吸引，所以改返叉烧捞。等左大约五分钟就到，果然冇令人失望！叉烧卖相好靓，肥瘦适中颜色鲜艳又多蜜汁，肉质够嫩，唔会太甜又唔算油腻好好味！而面底都系好出色，面质唔会好硬，有大量姜葱，非常足料，$48包饮品好抵食！极力推荐佢嘅叉烧，虽然叉烧唔系佢嘅主打，但系都咁高质，比起主打卖烧味既餐厅更好！