影片
更多
2021-10-08
87 浏览
好兴奋，今日同朋友发掘左一间喺观塘成运大厦一楼嘅泰式美食小店。店内员工多数都系泰国人，有时会用泰文交流，但都识讲广东话，每位员工都非常亲和友善。正当我哋睇餐牌睇到眼花撩乱嘅时候，有位非常nice既员工哥哥走过黎为我地介绍餐牌，介绍咗餐厅主打嘅食物，听完之后心入边终于有答案啦。😊椰青花胶鸡煲 $98店员都极力推介我地试下呢个花胶鸡煲，咁谂谂下年纪都唔细...都系时候补下d胶原蛋白。呢个花胶鸡煲真系唔话得，汤水入口清甜，满满的花胶及椰肉片，夏天饮真系好正，清热消暑。最重要既系咁大一煲先系$98蚊咋，两个人食啱啱好，下次要再encore呢个煲😆😆😆。沙爹串烧 $48串烧可以任拣鸡/牛/猪，谂住未试过我哋讲叫咗一串。份量都几大份，搭配沙嗲汁更加美味。😋碎肉生菜包 $68爽脆嘅生菜包住辣辣地嘅肉碎，十分香口开胃。芒果糯米饭 $66拣咗黑糯米，糯米煮得好香好软熟，椰浆好香浓好滑，芒果鲜甜，一啖糯米一啖芒果，正吖。🤩三色冰 $28三色冰好香甜嘅椰奶，内面有荸荠粒好爽脆，清新甘香，外面加埋木薯粉烟烟韧韧，口感一流，味道好正宗。牛油果🥑冰沙 $36冰沙类推介试下呢个，十分唔错，够健康，又唔甜👍☺️最惊喜嘅
好兴奋，今日同朋友发掘左一间喺观塘成运大厦一楼嘅泰式美食小店。
店内员工多数都系泰国人，有时会用泰文交流，但都识讲广东话，每位员工都非常亲和友善。
正当我哋睇餐牌睇到眼花撩乱嘅时候，有位非常nice既员工哥哥走过黎为我地介绍餐牌，介绍咗餐厅主打嘅食物，听完之后心入边终于有答案啦。😊
椰青花胶鸡煲 $98
店员都极力推介我地试下呢个花胶鸡煲，咁谂谂下年纪都唔细...都系时候补下d胶原蛋白。呢个花胶鸡煲真系唔话得，汤水入口清甜，满满的花胶及椰肉片，夏天饮真系好正，清热消暑。最重要既系咁大一煲先系$98蚊咋，两个人食啱啱好，下次要再encore呢个煲😆😆😆。
沙爹串烧 $48
串烧可以任拣鸡/牛/猪，谂住未试过我哋讲叫咗一串。份量都几大份，搭配沙嗲汁更加美味。😋
碎肉生菜包 $68
爽脆嘅生菜包住辣辣地嘅肉碎，十分香口开胃。
芒果糯米饭 $66
拣咗黑糯米，糯米煮得好香好软熟，椰浆好香浓好滑，芒果鲜甜，一啖糯米一啖芒果，正吖。🤩
三色冰 $28
三色冰好香甜嘅椰奶，内面有荸荠粒好爽脆，清新甘香，外面加埋木薯粉烟烟韧韧，口感一流，味道好正宗。
牛油果🥑冰沙 $36
冰沙类推介试下呢个，十分唔错，够健康，又唔甜👍☺️
最惊喜嘅系老板最后仲送多份甜品椰汁糕比我哋，唔会太甜，甜度啱啱好，内面仲有D细细粒嘅泰国黑珍珠，好有咬口。
张贴
