Gochi (已結業)

佛诞假期，朋友约埋一齐食下lunch，我哋㨂咗乐富呢间餐厅，地铁站附近大家都方便，之前我有入过去视察环境，感觉空间感非常好，舒适宽敞，最适合大家坐低倾偈，享受美食，有慢活生活既感觉。因为假期原因，1点已经排晒长龙，好彩我哋一早喺Openrice 订咗位，登记安心出行就直接入坐，幸运地安排咗坐喺阁楼位，好似只有4-5张枱，好安静舒适，只是我哋太耐无见话比较多，呢日我哋足足倾咗5个钟到晚市先走，疫情下真系难得有个咁好既地方，其间员工用餐休息都喺呢度，我哋可能占用咗佢哋既用餐空间，感谢餐厅员工体谅畀我哋可以尽情享受。我哋叫咗lunch set share猪肉，鸡肉，意粉，薄饼，样样都试下。餐汤为南瓜汤，浓而不腻，而且混合有面包脆粒增添层次，再配埋两细块法包加黑醋榄榄油一流😋香烤猪里肌配薯条沙律菜，调味及酱汁一应俱全，好体贴，薯条外脆内食到薯仔原味，猪里肌不会过火，烟靭度刚好，加入柠檬汁中和肥腻感，沙律菜为火箭菜加蕃茄仔新鲜可口。辣肉肠芝士薄饼，个人不是薄饼爱好者，食咗一块料足，饼底不厚不薄，一个人要食晒呢份薄饼真系有难度，一齐share就啱啱好。特色烤鸡半只上，对于刀工唔好既朋友，可能比较考