銘師傅潮州粉麵

营业中

休息中

有高人指点话呢一间潮式粉面店一定要试，上Openrice先知原来系新店，试过之后真系无介绍错，当中极力推荐鱼蛋，食得出佢嘅新鲜。净紫菜四宝入面当然有紫菜啦，另外亦有我极力推介嘅鱼蛋，仲有鱼皮饺、墨鱼丸同埋札肉，最可惜无鱼片，下次要另外叫碗鱼蛋米试下。我地仲试咗牛杂粗面，D牛杂好入味好新鲜，而且价钱算好平，印象之中好似系$38一碗，真系抵到无朋友，而且牛杂嘅质素算系高。另一碗粉面就试咗鱼皮饺面，佢个鱼皮饺都做得好，饺皮薄得黎烟烟韧韧，D馅料都几新鲜。炸鱼片都OK，够硬身，浸一浸汤再食都唔会林晒。