影片
更多
2021-04-06
353 浏览
今日响尖沙咀好想食乌冬，上 openrice 睇左成个尖沙咀都无似样乌冬专门店，最后好唔好彩咁拣左依间黎试，系好不幸嘅一次。去到门口见到门面睇格局都已经觉得伏伏地，英文名叫 mochi cafe, 完全唔关事，墙上有可口可乐套餐果 d poster, 我心谂，乜依间系茶餐厅？ 不过都硬著头皮入左去试。。。一入到去店员即刻叫你嘟安心上路，要主动问先可以填收埋左嘅个人资料板，注意系资料板，姐系我系睇到晒之前客人嘅资料。(此处不予置评，读者请自行评价) 坐低睇餐牌，第一个感觉就系贵。。。(响依一步我先不论食物质素) 普遍 items 都系90蚊上下，仲要加一。以及有第二个伏味浓嘅位： 餐牌上每一项都有两个 option: "手打"乌冬，同埋贵几蚊嘅稻庭乌冬。试问好地地你个乌冬正正常常，点会要分两款比人拣。所以潜台词系，我个"手打"乌冬系垃圾黎好啦到我落 order, 咁我紧系几大都嗌稻庭乌冬，店员竟然同我讲无，"手打"乌冬 o唔 ok? 我心谂，你有半个 menu 都系稻庭乌冬，你竟然响我想嗌嘅时候先同我讲无？好。咁无计，最后我同友人都迫住拣左 the other option (aka
去到门口见到门面睇格局都已经觉得伏伏地，英文名叫 mochi cafe, 完全唔关事，墙上有可口可乐套餐果 d poster, 我心谂，乜依间系茶餐厅？ 不过都硬著头皮入左去试。。。
一入到去店员即刻叫你嘟安心上路，要主动问先可以填收埋左嘅个人资料板，注意系资料板，姐系我系睇到晒之前客人嘅资料。(此处不予置评，读者请自行评价)
坐低睇餐牌，第一个感觉就系贵。。。(响依一步我先不论食物质素) 普遍 items 都系90蚊上下，仲要加一。
以及有第二个伏味浓嘅位： 餐牌上每一项都有两个 option: "手打"乌冬，同埋贵几蚊嘅稻庭乌冬。试问好地地你个乌冬正正常常，点会要分两款比人拣。所以潜台词系，我个"手打"乌冬系垃圾黎
好啦到我落 order, 咁我紧系几大都嗌稻庭乌冬，店员竟然同我讲无，"手打"乌冬 o唔 ok? 我心谂，你有半个 menu 都系稻庭乌冬，你竟然响我想嗌嘅时候先同我讲无？好。
咁无计，最后我同友人都迫住拣左 the other option (aka 垃圾), 分别嗌左照烧鸡扒同埋豚肉(四块) (ps: 佢 menu 真系有括住写四块，唔知系咪试过比人投诉点解得四块？), 两个都系配鱼介猪骨汤。
好啦终于上菜，卖相绝对称唔上吸引，石锅碗边一圈有好多万年渍，汤就渣渣声咁滚紧，起晒泡咩都睇唔到，面头有一只生鸡蛋同一堆豆苗。相就无啦，因为我果时都未嬲到打算上黎写食评，所以无影低。
豚肉：正常，有四块。
鸡扒：大尾督果类 bbq 放题嘅冰鲜鸡扒质素，暂时忘记价钱嘅话系可接受。
乌冬：正如我所讲，嗌嘅时候我已经预左系咁上下。
汤底：重点重点重点。重。点。 我有理由相信成个汤底根本系用饱和嘅盐水浆滚出黎，无鱼介味无猪骨味，只有咸，好咸同极咸，系咸到苦，咸到辣，根本咸到条脷都坏埋。
同碗野搏斗到一半真系顶唔顺，想问店员拎两杯水回回血，佢拎到黎，杯水 d 烟仲多过碗面。日本餐厅你比滚水我？你唔问埋我想饮香片定铁观音？最后将计就计，成杯水倒落个乌冬度做稀释，好过无。
食完依碗野之后我可以讲系正式患上 ptsd, 对于咸味嘅食物我感到绝对恐惧。食完之后我成日饮左好多好多水，但都仲不停觉得自己成咀都系咸味。
总结
先讲少少题外话，香港不乏一种茶餐厅，佢地入面咩都有得食，除左正路果 d 常餐特餐小炒，会连日式拉面乌冬，云南米线，海南鸡饭，马来咖哩，珍珠奶茶等等等等都有，总之就咩都有得食。出到黎嘅食物质素好多时都强差人意，依种茶餐厅响我心目中就系饮食界嘅陈百祥，食物系唔专业，唔正式，唔入流嘅。
而今次好遗憾地，依间响 openrice 有四百几个伸脷(我没有在暗示什么), 评为必食"日式餐厅"所煮出黎嘅乌冬，系比陈百祥煮出黎嘅更差！ 系足足差到我咁大个人要专登上 openrice 开 ac 写依篇千字处女食评。
食评写到依度，最后借位一问，大家有好嘅心理医生以及洗肾介绍吗？多谢。
$193
4 浏览
0 赞好
0 留言
滚水
3 浏览
0 赞好
0 留言
张贴
