金蘭花泰國餐廳 (已結業)

星期日晚大概9pm到达，一来到已被提醒10pm厨房收工，即急急脚睇menu、落单，未食已感觉到侍应赶收舖的压力。赶在9:30pm last order前加点香叶辣椒肉碎炒饭，转头却送来香叶辣椒肉碎--属于小菜，并没有饭。当时四眼男侍应一摆低喺枱，我一望好奇怪，问咗声咩唻？男侍应听到都冇理，竟然头也不回就走了。我唯有叫住佢问清楚，先知原来系香叶辣椒肉碎，我话我系叫炒饭，佢就话帮我换啦，就拎走碟嘢去笃机入单，我怕自己讲得唔清楚，走上前好声好气同男侍应讲清楚，系香叶辣椒肉碎炒饭⋯男侍应极不耐烦，粗声粗气话得得得得得，依家咪帮你换啰！！自问一直都礼貌周周，成餐饭都匆忙赶急进食，唯恐阻人收工，因为睇得出男侍应收工大过天！而该名男侍应身穿便服，并不似是其他侍应，到底他是餐厅经理？甚至老板？竟然为了收工而得罪食客？咁想收工，不如收档！食物非常一般，服务十级差劣，绝对绝对不会有下次。